غزله غم .................

زنجیر زنی / تک ضرب / رده سنی آزاد / برای هیئت

تی غـــزله غــــم،اَمـره عــزا کود   شــور و هـــوایی دیلانـه به پا کود

روضـــه ی تی مقتله گوش ایشنوه   هم روحه هم جانـه خودا خودا کود

بویی آیـــه جـه کفنـــه بوریــات   بویـــه بهشتی که ایســــه عالیات

هر دیلـه مستی تابـــده به غــوغا   کــــه پر زنـــه کرب و بلا  باقـیات

وختی دینم مَشکی وشاخه ای یاس  یکدفـــه ای دم گـیرم از تی عباس

وختی که روضه خوانن از تی اصغر   می دستانــه حــلقه  زنم می حنجر

وختــــی که قـورآنـه قرائت کونن   وختی کــه دوشمنـــه برائت کونن

بوغضی گلو رگــــه گیـره بی قرار   دوشمنه نفریـن کونــما بـی شــمار

حسین تــی دریا یه حضوره خوایم   حسیــن وَهــال تی کربـلا یه بایـم

بوسه زنــم قبــــره علییه اکـــبر   تی خاکــه توربته فوکونـم مــی سر

حیجـله بیگـیرم همـه یه گــولانه   تی قاســـم و عـون و تـی یاورانــه

قبرانه  رو  شاخــــه گـــولانه بنم   مـره دخــیل رویـــه  مــزاران زنم